កម្មវិធី Cellcard Stars វគ្គ២ នឹងយកលំនាំតាមស្រដៀងគ្នាទៅនឹងកម្មវិធី Cellcard Stars វគ្គ១ ដែរ ដោយក្នុងនោះរៀងរាល់សប្តាហ៍បេក្ខភាព ទាំងអស់ នឹងធ្វើ ការសំដែងហើយការបោះឆ្នោតសំរេចចិត្តធ្វើឡើងដោយ ទូរទស្សនិកជនដែលពេញចិត្តបេក្ខភាពប្រកួតប្រជែងបេក្ខភាពរូបណាដែល ទទួលសំលេងឆ្នោតតិចជាង គេនឹងចាកចេញពីកម្មវីធី។ បេក្ខភាពដែលត្រូវបានជ្រើសរើសថ្មីទាំង១២រូបមកពីជុំវិញប្រទេស នឹងត្រូវបានបង្ហាញខ្លួនបន្ទាប់ពីការប្រលងជំរុះជុំទី១ និង ទី២។ បេក្ខភាពទាំងនោះនឹងស្នាក់ នៅរួមគ្នានៅកន្លែង ស្នាក់នៅដែលត្រូវបានផ្តល់អោយ លើសពីនោះទៅទៀត ពួកគេក៏ទទួលបានប្រាក់បៀរវត្សរ៍ប្រចាំខែផងដែរ។ ម៉ាស៊ីនថតសកម្មភាពដែលត្រូវបានភ្ជាប់នៅកន្លែងស្នាក់នៅនោះ នឹងបង្ហាញនូវរាល់សកម្មភាពទំនាក់ទំនងរបស់ពួកគេ ដើម្បីជួយប្រជាជនក្នុងបោះឆ្នោតក្នុងមួយ សប្តាហ៍ៗ។